dimanche 26 décembre 2010

... شاهد على العصر



اليوم حبيت نعمل جولة سريعة فالتاريخ النضالي متاع تونسنا الغالية ...
 شي عادي و شي مفهوم كي يَخوني الحنين 
لأيمات المقاومة مدام الجوّ مقين برشا هالأيمات ... 

حسرة على أيامك يا خضرى , بلد الأمن و الأمان ولاّ ياسر ماسط
 لا مطعم و لا ريحة ... لا عرك لا مشاكل ... لا أجرام  لا تخريب
 ... لا ظرب بالحجر و لا مظاهرات 
...  لا عاد فما أعتقلات ولا قنابل مسيلة لدموع ...
 الحبوسات فارغة و حتى مالمراكز تنش فالذبان  ...
 كل شي عنّا يفرح و يبعث السرور في قلب المواطن
 ... ومعاد شي يحزن و يبكي في بلاد الفرح الدائم
 (كان تقشير البصلْ و برامج رزوقة بالطبيعة) ...  

المهم , اليوم حبيت نقترح عليكم مشاهدة الجزء االأول لشريط فيديو 
من أعداد راديو كلمة يروي فيه عميد المناضلين التونسيين
 علي بن سالم بعضا من ذكرياته النضالية
 ... و مدام معادش فمّا شي يستحق النضال هالسنين لخرى
 ... خلي واحد يسخّن الباية

و السلام





vendredi 26 novembre 2010

بيان من فروع الرابطة التونسية للدفاع عن حقوق الإنسان



بيان من فروع الرابطة التونسية للدفاع عن حقوق الإنسان
حول منع السيد علي بن سالم من السفر

منع السيد علي بن سالم ، رئيس فرع بنزرت للرابطة التونسية للدفاع عن حقوق الإنسان ورئيس ودادية قدماء المحاربين من السفر إلى برشلونة ، تلبية لدعوة من مؤسسة – سوديباو- الثقافية التي أرادت تكريمه بجائزة تقديرية لنضاله الطويل من اجل التحرر من الاستعمار والدفاع عن حقوق الإنسان. كما كان سيقدم مداخلة حول:الديمقراطية والتسامح. ومعلوم أن السيد علي بن سالم يعيش حصارا امنيا في منزله منذ سنوات .
يعتبر رؤساء فروع الرابطة الممضين أسفله أن مثل هذا المنع يمثل اعتداء على حقه في التنقل ويطالبون باحترام حياته الخاصة والكف عن مضايقته ومضايقة العديد من مناضلي الرابطة امنيا. كما يؤكدون أن مثل هذا المنع لا يعدّ مؤشرا ايجابيا لإرادة الحوار مع الرابطيين.
: رؤساء فروع
حلق الواد، المرسى: صفية المستيري
بنزرت: علي بن سالم
حمام الأنف، الزهراء: رضا بركاتي
مدنين : صلاح الوريمي
قربة، قليبية: عبد القادر الدردوري
سليانة: عبد الستار بن موسى
جندوبة: الهادي بن رمضان
المنستير: سالم الحداد
سوسة: جمال المسلم
القيروان : مسعود الرمضاني
المهدية: محمد عطية
نفطة، توزر: شكري الذويبي
قفصة: زهير اليحياوي
تونس المدينة، باب بحر: عمر المستيري
أريانة : حسين الكريمي
ماطر: محمد صالح النهدي
كاتب عام فرع قبلي : محمد بن زايد
قابس : منجي سالم

mercredi 24 novembre 2010

قيدوم المناضلين ... علي بن سالم






عيدك مبروك عم علي بن سالم



أحيى حقوقيو مدينة بنزرت عيد الأضحى مع قيدوم المناضلين علي بن سالم رئيس فرع بنزرت للرابطة التونسية للدفاع عن حقوق الإنسان، ببيته بشارع فرحات حشاد ببنزرت، وقد سجل البوليس السياسي حضوره حول المنزل دون أن يمنع المناضلين من الدخول مثلما جرت العادة في السنوات السابقة.
والجدير بالذكر انه منذ خمس سنوات تاريخ منع الرابطة من النشاط وفرض حصار امني على مقراتها، دأب حقوقيو بنزرت على تنظيم وقفة احتجاجية في عيد الفطر وعيد الأضحى دفاعا منهم عن حق الرابطة في النشاط وتمسكا بهذا المكسب التاريخي . وكانوا يمنعون في كل مرة من قبل جحافل البوليس التي تطوق المقر، ولا يخلوا المنع أحيانا من الاعتداء عليهم بالعنف مثلما جرى في عيد الأضحى الماضي حين تم تعنيفهم وإلحاق أضرارا مختلفة بعدد من سياراتهم.
الرابطيون والحقوقيون الذين حضروا لمعايدة عم علي عبروا عن أملهم في أن تكون هذه البادرة خطوة نحو السماح للرابطة بالقيام بنشاطاتها بكل حرية حتى تتمكن من فتح فروعها وتقوم بدورها الطبيعي في الدفاع عن حقوق المواطنين التونسيين وفي نشر ثقافة حقوق الإنسان

المصدر

dimanche 21 novembre 2010

أجمل ساعات العالم ... ساعات الأمتياز و رفع لأثقال

: أجمل ساعات العالم ...  ساعات الأمتياز
 بين اللمسات الفنية لبلدية التحدي و إبداع شعب الرُقي و رفع لأثقال








samedi 6 novembre 2010

dimanche 17 octobre 2010

خسارة الميّت و خسارة الكفنْ



كيما العادة و العوايد شهدت مدينة بنزرت في جمعة الأحتفال بعيد الجلاء حركيّة كبيرة على جميع الأصعدة ... بصراحة المسؤولين في بنزرت يبذلو قصار جهدهم بش يقومو بالواجب و يعيشونا ال 15 أكتوبر على قاعدة ...
نظافة مش عادية فالبلاد زينة من جميع الأنواع ... و حضور أمني مكثف أكثر حتي من عدد إلي شاركو في معركة بنزرت في صيف عام 61
!!! تي يا ولدي تهزّ حجرة تلقا بوليس و أنتي تقلي عام 61

المهم العيد هذا بالنسبة لمعضم المؤسسات و القوى الفاعلة فالمجتمع المدني في بنزرت أصبح عبارة على عيد "شكون يعلي أكثر"... شكون يعمل أزين علم و شكون يطلع أجمل عبارات الأمتنان و الشكر معا التركيز على كبر الحجم في السنين لخرة ... بالطبيعة لازم البلاكة تبدا ظاهرة من بعيد ... تهز راسك من جبل النحلي تراها...

بصراحة فنّ موش شربان لبن... سخاء فالعطاء فالأبتكار و فالمثابرة ... الناس هاذي كان ركزت في خدمها هكّا تنجم تخرجلنا علماء فالذرّة و غيرو كان حب ربي ...
عاد تبدا تدور فالبلاد و تستمتع باللوحات الفنّية و النقشات البهلونية إلي معلقة على كل لون يا كريمة من طراز

"عطرية العم حمادي و جميع أعوانها ترحب بسيادة الرئيس"

"العمّ محسن و جميع أفراد الأسرة و الجيران وبنات خلاتهم ونسابهم الكل معك يا سيادة الرئيس لمواصلة المشوار"
ولاّ في كلمتين "منزل جميل تحبك يا زين" ... معناتها منزل جميل ببرّها , ببحرها , بطيرها و زرعها و كل شي بدون أستثناء تحبك يا زين (خاطر يحسبوه فرد منهم ماغير "سيادة الرئيس") ... لا هايل ... هايل برشا

لاكن المرّة هاذي يا خيبة المسعى ... كل شي طاح فالماء ...
التحضيرات الكل مشات خسارة و ما غير فايدة خاطر سيادة الرئيس إلي بش ناشدوه ما جاش
و رساط للعباد إلي محظرة رواحها للأحتفال تتغبّنْ عالخساير
" و لسان حالها يقول " يا ناري على سكرتي ما شافها حدّ

يا أخي ماو شوية تنسيق مع السلطات المعنيّة تو توظاح الأمور مالأول و نخرجو الكل فرحنين ... عل أقل نستغلو هالمصاريف الزايدة في مشاريع تعود بالنفع عل المجموعة
...CAB تي حتى تاخوهم ال
تشري بيهم نيجيري عضروط كي مايكل أنرامو ما فيها باس

بصراحة جرّة سوء التنظيم هذا عيد الجلاء جانا السنا تحت شعار
خسارة الميّت و خسارة الكفنْ

بطبيعة الحال خسارة الميّت خاطر عيد الجلاء ولاّ عيد المناشدات
و خسارة الكفنْ كذلك خاطر حتى كرنفال المناشدة ما تمّش على خير و ما خلط عليه كان سيد الوالي أطال الله في أنفاسو

ونشالا هذكا حد الباس و برّا



vendredi 15 octobre 2010

أنشودة الجلاء - بني وطني


بني وطني
كلمات:عبد المجيد بن جدّو
الحان:الشاذلي أنور


بني وطني يا ليوث الصدام وجند الفداء
نريد من الحرب فرض السلام ورد العداء
لأنتم حماة العرين أباة نشدتم لدى الموت حق الحياة
مدا ومدى وكنتم تريدون سبل النجاة ورسل الهدى


***


فلو كان للخصم رأي سداد
وعقل يمـــــــيل به للرشاد
ويردعه عن ركوب الردى
لما اختار نهج الوغى والجلاد
وسالت هباء دماء الأبرياء
فإما حياة وإما فلا


***


أردنا الحياة ورمــنا العلا
وفي حقنا لانخاف البلاء
ومن دمنا قد صبغنا رداء
رفعناه فوق البـــلاد لواء
فماس به الأفق حين بدا
فإما حياة وإما فلا


***


فإما حياة وإما فلا
وعن ثغر بنزرت نبغي الجلاء
فلسنا نعيش ونحيا سدى
فمغربنا يا فرنسا غدا
ينادي الجلاء الجلاء الجلاء


dimanche 12 septembre 2010

... عيدك مراقب عمّ علي



تحت مراقبة البوليس السياسي بالزى المدني من مختلف الفرق الأمنية المنتشرة في كل أنحاء شارع فرحاة حشاد ببنزرت تمكنت مجموعة بنزرت المتكونة من رابطين وحقوقيين وسياسيين وأعضاء هيئة 18 أكتوبر للحقوق والحريات من مُعايدة شيخ الحقوقيين ورئيس فرع بنزرت للرابطة التونسية للدفاع عن حقوق الإنسان علي بن سالم
و يجدر الإشارة إلى أن عم علي بن سالم لا أحد يستطيع زيارته منذ شهر أكتوبر 2005 فالبيت يقبع تحت طائلة حصار بوليسي شديد ليلا نهار ا على مدى الأيام ولقد دأبت مجموعة بنزرت خلال العديد من المناسبات الدينية و الحقوقية من محاولة كسر هذا الحصار الجائر فكانت في كل مرّة تُمنع بشتى أنواع القمع
بنزرت في 10 سبتمبر  2010

(مصدر المقال)





عم علي هوا عميد المقاومين التونسيين و هوا رمز من رموز النظال في تونس 
... الناس إلي ماتعرفوش تنجم تتعرف عليه من خلال الربط هذا

عيدك مبروك عم علي و كل عام وأنت حي ب 1000 خير

vendredi 3 septembre 2010

يا زهرة



كلمات سعيد الخلصي / ألحان و غناء خميس ترنان



vendredi 27 août 2010

... فيسبوكيات : عيب



الصفحة هاذي كيما تراو هيا وحدة من برشا الصفحات إلي تحكي على بنزرت فالفيسبوك
شد أنتباهي مل الأول النص إلي مكتوب عالدخلة
" Interdit Au non bizertins !!!"
الله الله

الصفحة هاذي فيها 7523 محب ...
( منهم 5  من صوحابي ( و هاو بش نبلوكيهم على قريب  ... 

نزيد نقدمو شوية نلقاو الصورة هاذي



!!! بالحوت على ولاد الجمعية

? بالاهي شنوة أسمو هذا

? مرض? ... جهل ?... تخلف ? ... أنحطاط ? ... عقد ? ... تعصب

بطبيعة الحال في الصفحة هاذي فما خنار و فظايح بزايد و كان واحد بش يحكي عليها الكل لازمو يكتب كتاب و لازمو محربش مليح و كان لزم يزرق زادا بش ينجم يطاوق الهم هذا
الجهل ,التفاهة و تخلف هوما من ميزات العصر هذا ... و بصراحة مزال عمانا على قدام و مزلنا بش نراو ... و في كلمتين عيب و ربي لعزيز عيب

samedi 31 juillet 2010

SAUVER LA STIR !!!


كثر الحديث منذ مدة عن خوصصة و تحويل معمل تكرير النفط بجرزونة إلى محطة لتخزين الوقود ... بالإضافة إلى تسريح عدد كبير مالعمال متاعو ... هال إجراء الخطير ينجم يحرم أكثر من500 عائلة من مورد رزقهم

شوفو الربط هذا

والسؤال المطروح ... هل تم إعداد برنامج واظح لمصير العمال المتظررة جراء هالقرار هذا

و إلا بش يتم أهمالهم وبش يتحولو من عمال متاع تكرير النفط في معمل ... إلى بطالة
)): ??? متاع تركريك تاي تحت حيط

وحدها الأيام القدمة كفيلة بش توظحلنا الحكاية هاذي ...

نشالا ما فما كان الخير و ربي يبقي علينا الستر و برّا

samedi 24 juillet 2010

علاش هكّا ??? : الحلقة 2





مشهد أخر مالمشاهد المروعة في هالصيفية الكلبة ... أما المرة هاذي مشهد مالشارع الرئيسي للمدينة ... شارع الحبيب بورقيبة

رغم إلي الواحد يفرح كي يرى أشغال متاع صيانة طرقات فالبلاد و يعطيها الصحة البلدية و يكثر منها الناس ... أما بصراحة موش هكّا

االتوقيت إلي ختاروه مش ملائم ... توّا صيف و حركة الطرقات ماهيش ناقصة مشاكل و تعطيل ... و بصراحة إلي زاد على عماها هوا مدة إنجاز هالمشروع الظخم و الجبار ...

المرحلة 1 : بداو يحفرو في الطريق و نقبوه كيما حبوا و إشتهاو

المرحلة 2 : ترتيحة متاع شهر ... بش يمكنو عجالي السيارات من ردمان الحفر مليح

المرحلة 3 : تقرقيشة باهيا علي طول الطريق بش يتعاود الكلو على قاعدة صحيحة

المرحلة 4 : ترتيحة ب 3 جمعات بمناسبة الأدوار المتقدمة متاع كاس العالم

المرحلة 5 : أخيراً و ليس أخراً أنطلاق عمليات تعبيد الطريق وإلي نشالا تكمل قبل سيدي رمظان المعظم

الحاجة الواحيدة  الباهية إلي ريتها فالحكاية الكل ... هيا لمسة الوفى و التقدير من بلدية بنزرت للزعيم الراحل الحبيب بورقيبة
الزعيم إلي الأثر متاعو مزال إلتو مترسخ فينا ...
 تم تكريمو كيم شفتو ... و سياسة المراحل إلي نادى بيها طيلة حياتو  ... 
تم إستعمالها بعد رحيلو في شارع مالشوارع إلي تحمل إسمو 

لي الله درك يا بنزرت و ربي يبقي علينا الستر و برّا

:'(((






mercredi 21 juillet 2010

??? علاش هكا




لا ماكش غالط هذي هيّا مدونة "بنزرت ... يا مدينتي" ... إي نعم
هاذي ماهيش الفلوجة و قت غزو العراق و ماهيش غزة بعد الحرب و الحصار ... هاذي مدينتي ... بنزرت

هاذي صور خذيتها في شارع من شوارع المدينة ... شارع الهادي شاكر في وسط البلاد ... الشارع هذا فيه إدارة تابعة لوزارة الفلاحة , فيه فرع متاع بنك, فيه معهد حر , فيه مدرسة إبتدائية و عباد تسكن و محطة نقل ريفي إلخ...

مكان هايل برشا بش وليداتنا الصغار تنمو فيه وتترعرع ... بش يتعلمو الصبر و العيش فالمناطق الوعِرَة ... بش يطيحو فالحفر و بش يسقلو موهبتهم في رمي الحجارة إو هات ما كي اللاوي ... و حتى الكبار عندهم ما يتعلمو هنا

مع العلم إلي الحالة هاذي عندها سنوات و الأدها والأمر إلي الحالة ماشيا و تزيد تعما خصوصا مع الصمت والا مبالاة متاع السكان و النوم العميق متاع مسؤولي البلدية ... عيب والله عيب

لي الله درك يا بنزرت و ربي يبقي علينا الستر و برّا

:'(((