الصفحة هاذي كيما تراو هيا وحدة من برشا الصفحات إلي تحكي على بنزرت فالفيسبوك
شد أنتباهي مل الأول النص إلي مكتوب عالدخلة
" Interdit Au non bizertins !!!"
الله الله
الصفحة هاذي فيها 7523 محب ...
( منهم 5 من صوحابي ( و هاو بش نبلوكيهم على قريب ...
نزيد نقدمو شوية نلقاو الصورة هاذي
!!! بالحوت على ولاد الجمعية
? بالاهي شنوة أسمو هذا
? مرض? ... جهل ?... تخلف ? ... أنحطاط ? ... عقد ? ... تعصب
بطبيعة الحال في الصفحة هاذي فما خنار و فظايح بزايد و كان واحد بش يحكي عليها الكل لازمو يكتب كتاب و لازمو محربش مليح و كان لزم يزرق زادا بش ينجم يطاوق الهم هذا
الجهل ,التفاهة و تخلف هوما من ميزات العصر هذا ... و بصراحة مزال عمانا على قدام و مزلنا بش نراو ... و في كلمتين عيب و ربي لعزيز عيب
للأسف الشديد االعصبيّة الجهوية في بنزرت تتعدى بالوراثة، وتنجم تلاحظها بصفة خاصة في العايلات اللي أصلها من حي الأندلس والا المدّة
RépondreSupprimerالصغير يكبر وهو يسمع في والديه يسبو في خلق ربي اللي ماهمش من بنزرت ويعيطولهم نهوش وقرف الخ .. كيفاش تحبو يطلع بالله؟
في بالك اللي فمة برشة بنازرتية يتحسرو على فرانسا كيفاش خرجت بعد حرب الجلاء؟
صحيح، عيب كبير لكنو متجذر في مدينة بنزرت وعمّال ويزيد مع اتساع المدينة وبناء أحياء جديدة كيف حي النخلة وبرج غماس وبير مسيوغة
ما تلومش على ها الفروخ يا الفان .. ابكي ع الوالدين اللي ربّاو.. ربي يقدر الخير وكهو
تونس بكلها تعاني من العصبية الجهوية, أما المشكلة ان مثماش محاولة جادة من الدولة للتصدي ليها, تي سعات نشك ان ثما شكون قاعد يقوّي فيها الحالة هذه
RépondreSupprimerبنزرت حالة خاصّة يا هذاكة أنت
RépondreSupprimerتوة في الساحل مثلا تلقى السواحلية يد وحدة مهما كانت المعتمدية (رغم أنو موش هذاكة برك المطلوب)، لكن في بنزرت وقت تكون من ماطر مثلا والا من سجنان والا منزل بورقيبة صدقني يبجّلو عليك الاسرائيلي. اسأل الفان تو يحكيلك
@Hada ana & @Felis Silvestris:
RépondreSupprimerأنا معاكم فالكلام إلي قلتوه ... صحيح المشكلة قديمة و ماشيا و تستفحل في مجتمعنا التونسي ...
أنا حسب تجربتي الخاصة نرى إلي الشي في بنزرت فات حدو وممكن أكثر من مدن أخرى... لكن برشا مناطق في تونس تعاني زادا ...
المشكلة عندها برشا أسباب كيما التربية , الهوية ... الشي إلي يغيض هوا إلي أحنا في 2010, النهار راح وحنا مزلنا هنا
:) تحياتي
ena n7eb na3raf 7aja entom chihemkom?? w theni 7aja a7na ma3anna mochkol m3a 7atta mo3tamdya min mo3tadyet banzret ema elli ysebna nsebouh welli y7ebna n7ebouh yji ayi we7ed yssebek toskotlou??? wela nzidek 7keya 3ajbak eli3lem fi tounes dima banzret lebes 3liiha w ija choufeha hya fech t3ani 9alou 3assabya
RépondreSupprimer